A República Popular China baixará os aranceis sobre automóbiles importados ao 15% a partir do 1 de xullo.  Na actualidade soportan aranceis de entre o 20% e o 25%. No caso dos compoñentes de automóbiles, o gravame sitúase entre o 8% e o 25% na actualidade, e pasará a o6% a partir de xullo.    A medida foi anunciada nun comunicado do Ministerio de Comercio onte 22 de maio, como parte do esforzo do Goberno chinés de abrir o maior mercado dos automóbiles do mundo. En 2017 España exportou a China automóbiles por valor de 78 M € e equipos, compoñentes e accesorios de automoción por valor de 477 M €.